مەودا میدیا-

سەرۆکى هاوپەیمانیى دەوڵەتى یاسا رایدەگەنێت پشتیوانى حکومەتەکەی مستەفا کازمی دەکات ئاماژە بەوەشدەکات داوایان لێکردووە حکومەتەکەی مستەفا کازمی بڕوخێنێت.

نوری مالیکی، سەرۆکى هاوپەیمانىی دەوڵەتى یاسا لەمیانەی بەشداریکردنی لە چاوپێكەوتنێكی تەلەڤزیۆنیدا رایگەیاند "هەرچەندە دەوڵەتى یاسا بەشدارى لە حکومەتدا نەکردووە و دەنگیشى پێنەداوە، بەڵام پشتیوانى حکومەت دەکات".

مالیکی ئاماژەی بەوەشکردووە "ئەگەر حکومەتی نوێی عیراق بە ئاڕاستەى ئەرێنیدا هەنگاو بنێت و نامانەوێت بژاردەى ئۆپۆزسیۆن بوون هەڵبژێرین".

ئەوەشی ئاشکرا کرد "هەندێک لایەن داوایان لێکردووە، پشتیوانیان بێت بۆ رووخاندنی حکومەتى ئێستا، لەرێگەى خۆپیشاندانەوە، بەڵام ئەو بەهەموو شێوەیەک ئەو داواکاریانەی رەتکردووەتەوە".