مەودا میدیا-

خواردنی قەیسی بۆ كەم خوێنی بەسودە:

بەڕای پسپۆڕان و شارەزایانى خۆراك، قەیسی سیفەتی دەرمانی زۆری هەیە كە توانای پاڵاوتنی خوێنی هەیە، بۆ ئارەق كردنەوە و بۆنی ناخۆشی ناو دەم لادەبات، هەروەها چارەسەری هەوكردنی جومگە دەكات و لە دابەزاندی (تا) رۆڵێكی سەرەكی دەبینێت.

قەیسی هەڵگری ( ئاو، سۆدیۆم، كالسیۆم، پۆتاسیۆم، فۆسفۆڕ، ئاسن، ڤیتامین (B1,B2,B3) وماددەی چەوری و نیشاستەیە) رۆنی ناوكی قەیسی بۆ نەرم كردنی پێست بەسودە و هەرچەندە رۆنی ناوكی قەیسی تاڵە بەڵام میكرۆبی گەدە و ریخۆڵە لەناو دەبات.

میوەی قەیسی قورسە و درەنگ هەرس ئەبێت و منداڵان و بەساڵاچووان نابێت لەخواردنی ئەم میوەیە زیادەڕەوی بكەن، پێویستە لەگەڵ خواردنی قەیسی دا ناوكەكەشی بخورێت، چونكە رێگری لە ئاوسانی گەدە دەكات.