مەودا میدیا-

وەزارەتی ناوخۆی حکومەتی هەرێمی کوردستان لەبارەی لێدوانێکی رێبەر ئەحمەد، وەزیری ناوخۆی حکومەتی هەرێمی کوردستان، کە لەسەر رێکارەکانی رۆژانی جەژنی قوربان دابووی روونکردنەوەیەکی بڵاوکردەوە.

لە روونکردنەوەکە هاتووە "بەڕێز وەزیری ناوخۆ بە روونی ئەوەی وتووە کە مەراسیمی جەژن دواتر بە راوێژ لەگەڵ وەزارەتی ئەوقاف و یەکێتی زانایانی ئاینی ئیسلام و وەزارەتی تەندروستی رێنماییەکانی بڵاودەکرێتەوە، بەڵام هەندێک میدیا و لایەن بە هەڵە لێکداناوەیان بۆ کردووە".

هەروەها لە روونکردنەوەکەدا ئاماژە بەوەشکراوە "هەر رێکارێک کە حکومەتی هەرێم بیگرێتەبەر تەنیا بۆ رەچاوکردنی رێنماییە تەندروستییەکانە".

س.س