مەودا میدیا- سازگار ئەحمەد

لە کۆبوونەوەی ئەمڕۆی ئەنجوومەنی راوێژكاری وەزارەتی كشتوكاڵ و سەرچاوەكانی ئاوی حکومەتی هەرێمی کوردستان بڕیاردرا بەم نزیکانە بێگەرد تاڵەبانی، وەزیری کشتوکاڵ و سەرچاوەکانی ئاو سەردانی شاری بەغدا بکات، هەروەها لە کۆبوونەوەکەدا تاوتوێی گرتنەبەری رێكاری پێویست بۆ ئاسانكاری بۆ ئەو جوتیارانەی پێویستیان بە هەڵكەندنی بیرە کرا.

ئاوارە حەمید، بەرپرسی راگەیاندنی  وەزارەتی كشتوكاڵ و سەرچاوەكانی ئاوی حکومەتی هەرێمی کوردستان بە مەودا میدیای راگەیاند "بڕیارە  وەزیری  کشتوکاڵ و سەرچاوەکانی ئاو بەم نزیکانە سەردانی بەغدا بکات".

لەبارەی سەردانیكردنەکەی وەزیری کشتوکاڵ بۆ بەغدا ئاماژەی بەوەكرد "وەزیری کشتوکاڵ سەردانی بەغدا دەکات بەمەبەستی چارەسەکردنی کێشەکانی کەرتی کشتوکاڵ و ئاو لەنێوان هەرێم و بەغدا".

س.س