مەودا میدیا- سەركۆ جەمال

مستەفا كازمی سەرۆك وەزیرانی عیراق، دوای سەردانی بۆ ئەمەریكا و كۆبوونەوەی لەگەڵ دۆناڵد ترەمپ سەرۆكی ئەمەریكا و ئەنجامدانی چەند دیدار و كۆبوونەوەیەك، تویتێكی كرد و رایگەیاند  "كۆبوونەوەیەكی بەرهەمداریان ئەنجامداوە".

مستەفا كازمی، لە تویتێكدا نوسیویەتی "كۆبوونەوەیەكی بەرهەمدارمان لەگەڵ سەرۆك دۆناڵد ترەمپ ئەنجامدا، دەچینە قۆناغێكی نوێ لە هاوكاریكردن بۆ لەناوبردنی پاشماوەكانی داعش و پتەوكردنی هاوبەشیمان لە بواری ئابووری".

سەرۆك وەزیرانی عیراق، ئەوەشی خستووەتەڕوو "سوپاسی سەرۆك ترەمپ و دۆستە ئەمەریكیەكان دەكەین كە لە جەنگی دژی تیرۆر هاوكارییان كردین".