مەودا میدیا-

کۆبوونەوەی دوێنێی پەرلەمانی کوردستان دواخرا بۆ ئەمڕۆ پێنجشەممە کە تایبەتە بە خوێندنەوەی پێشنیازە یاسای ماف و ئه‌ركی نه‌خۆش له‌ هه‌رێمی كوردستان، بڕیارە کاتژمێر 10:00ی سەرلەبەیانی کۆبوونەوەکە ئەنجام بدرێت.

سەرۆکایەتیی پەرلەمانی کوردستان رایگەیاندووە "به‌پێی حوكمی مادده‌ی (5) و بڕگه‌كانی (یه‌كه‌م و دووه‌م و سێیه‌م) له‌ مادده‌ی (16) و بڕگه‌ی (سێیه‌م) له‌ مادده‌ی (18) و بڕگه‌كانی (یه‌كه‌م و دووه‌م و سێیه‌م و چواره‌م و پێنجه‌م) له‌ مادده‌ی (20) و مادده‌كانی (47، 48، 52، 54، 55، 56، 57) له‌ په‌یڕه‌وی ناوخۆی په‌رله‌مانی كوردستان ـ عیراق، ده‌سته‌ی سه‌رۆكایه‌تی په‌رله‌مان بڕیاریدا به‌رنامه‌ی كاری دانیشتنی ژماره‌ (2)ی ئاسایی خولی پایزه‌ی ساڵی دووه‌م له‌خولی پێنجه‌می هه‌ڵبژاردنی په‌رله‌مان له‌ كاتژمێر (10)ی پێش نیوه‌رۆ رۆژی پێنج شه‌ممه‌ رێكه‌وتی 3/9/2020 به‌م شێوه‌یه‌ بێت:

یه‌كه‌م: خوێندنه‌وه‌ی دووه‌م بۆ پێشنیازی یاسای (ماف و ئه‌ركی نه‌خۆش له‌ هه‌رێمی كوردستان) به‌پێی حوكمی مادده‌كانی (87، 88، 89) له‌ په‌یڕه‌وی ناوخۆی په‌رله‌مانی كوردستان.

س.س