مەودا میدیا- سازگار ئەحمەد

دوای ئەوەی کەمپینێکی فراوان بۆ دەستبەکاربوونەوە لە پرۆژەی دووسایدکردنی رێگەی کەلار - سلێمانی بەڕێوەچوو، وەزیری ئاوەدانکردنەوە سەردانی پرۆژەکەی کرد و بەڵێنی ئەوەی دا بە کۆمپانیای جێبەجێکار کە لەماوەیەکی زۆر کورتدا پێشینەکانیان بۆ خەرج بکرێت.

عەدنان خەلیل، بەڕێوبەری رێگەوبانی گەرمیان بە مەودا میدیای راگەیاند "دوای سەردانیکردنی وەزیری ئاوەدانکردنەوە بۆ پرۆژەی دووسایدکردنی رێگەی کەلار - سلێمانی دەستبەکارەکان کراوەتەوە لە پرۆژەکە، لە ئێستادا 20 ئامێر لە پرۆژەکەدا کار دەکەن".

ئاماژەی بەوەشکرد "وەزیری ئاوەدانکردنەوە  بەڵێنی ئەوەی داوە بە کۆمپانیای جێبەجێکار کە لەماوەیەکی زۆر کورتدا پێشینەکانیان بۆ خەرج بکرێت، بۆ ئەوەی لە کارەکانیان بەردەوام بن".

س.س