مەودا میدیا-
ئەمڕۆ یەکشەممە 2026/3/15، بە فەرمی جووڵەی بازرگانی و هاتوچۆی گەشتیاریی لە دەروازە فەرمییەکانی هەرێمی کوردستان لەگەڵ ئێران دەستیپێکردەوە.
بەپێی زانیارییەکان، بەرەبەیانی ئەمڕۆ جووڵەی بازرگانی لە هەریەک لە دەروازە سەرەکییەکانی حاجی ئۆمەران لەسنووری پارێزگای هەولێر و باشماخ لەسنووری پارێزگای سلێمانی دەستیانپێکردووەتەوە”.
ئەو کاڵا و کەرەستانەی کە بازرگانان لە رێگەی دەروازە سنوورییەکان لەگەڵ ئێران هاوردەی دەکەن، 80%ی کەرەستەی بیناسازیی و 15%ی ئۆتۆمبێل و 5% سەوزە، میوە، شیرەمەنی و خواردنەوە گازییەکان پێکهاتوون.
ئەمەش لە کاتێکدایە، ماوەی 15 رۆژە دەروازە سنوورییەکانی هەرێمی کوردستان لەگەڵ ئێران بەهۆی جەنگ و هێرشەکانی ئەمەریکا و ئیسرائیل بۆ سەر ئەو وڵاتە راگیراون.
ب ح
