مهودا میدیا-
راگەیاندنی رەوانەکردنی نزیکەی 2500 هێزی دەریایی ئەمهریکا بۆ رۆژهەڵاتی ناوەڕاست پرسیاری لەبارەی ئەگەری شەڕێکی خێرا ورووژاندووە و رۆژنامەی نیویۆرک تایمز پێشنیاری کردووە کە ئەم هەنگاوە ئەمهریکییە نوێنەرایەتیی قۆناغێکی نوێی ململانێ لەگەڵ ئێران دەکات.
دوو بەرپرسی پێشووی سەربازی ئەمهریکا بە سکای نیوز عەرەبییان راگەیاندووە “جێگیرکردنی یەکەی مارین و گروپێکی هێرشبەری دوورخراوە بۆ ناوچەکە نوێنەرایەتیی فراوانکردنی بژاردە سەربازییەکانی ئەمهریکا دەکات”.
ئاماژەیان بەوەشکردووە “ئامانجی سەرەکی تەنها بە وەڵامدانەوەی بەرگریی سنووردار نییە، بەڵکو توانای دەستپێکردنی هەڵمەتی خێرا بۆ سەر شوێنە ستراتیژییەکانی وەک دوورگەی خارگى ئێران لەخۆدەگرێت، لە هەمان کاتدا ئەگەری ئۆپەراسیۆنە زەمینییە سنووردارەکان بە کراوەیی دەهێڵرێتەوە بەپێی پێشهاتەکانی سەر زەوی.
سکۆت سمیتسن، بەرپرسی پێشووی پنتاگۆن و وانەبێژی مەترسییە جیۆپۆلیتیکییەکان و هەواڵگریی ستراتیژی، بۆ سکای نیوزی عەرەبى ئاشکرایکردووە “جێگیرکردنی ئەم هێزە ئاماژەیە بۆ ئەوەی فەرماندەی فەرماندەیی ناوەندی ئەمریکا (سێنتکۆم) هەوڵدەدات تواناکانی ئۆپەراسیۆن لە هەردوو دۆمەینی دەریایی و کەنار دەریاکان بەرزبکاتەوە”.
سمیتسن کە پێشتر وەک ڕاوێژکاری ستراتیژی کاروباری رۆژهەڵاتی ناوەڕاست بۆ فەرماندەیی ناوەندی ئەمهریکا کاری کردووە، ڕوونیکردەوە کە “بوونی گروپێکی هێرشبەری دوورخراوە لەگەڵ یەکەیەکی دەریایی رێگە بە فەرماندەیی ناوەندی دەدات هێرشی خێرا و کورت مەودا و ئۆپەراسیۆنی خێرا ئەنجام بدات، جا چ دەستبەسەرداگرتنی سەری کەنار دەریا بچووکەکان بێت، ناوچە سنووردارەکانی کەناراوەکان، یان تەنانەت دوورگە بچووکەکانیش”.
ئەمەش دوای ئەوە دێت کە دۆناڵد ترەمپ سەرۆکی ئەمهریکا هەڕەشەی لێدانی زیاتری لە دوورگەی خارگ کرد کە ناوەندێکی سەرەکی هەناردەکردنی نەوتی ئێرانە و داوای لە هاوپەیمانان کرد کەشتی جەنگی بنێرن بۆ دەستەبەرکردنی گەرووی هورمز کە پەکخراوە، لە کاتێکدا تاران سوێندی خوارد وەڵامدانەوەی خۆی زیاتر بکات.
ئەو بەرپرسەی پێشووی پنتاگۆن وتویهتى “گرنگە ئەوەمان لەبیربێت کە ئەم گروپە هێزی دەریاییە ژمارەیان لە 2500 کارمەند زیاتر نییە، ئەمەش ژمارەیەکی بەسە بۆ ئۆپەراسیۆنێکی کورتخایەن و سنووردار، بەڵام بەدڵنیاییەوە دەستپێکردنی داگیرکارییەکی زەمینی بەرفراوان نییە”.
ئاماژەی بەوەشکرد “ئەم جۆرە یەکانە لە مێژوودا لە ناوچە جیاوازەکانی جیهان جێگیرکراون بۆ وەڵامدانەوەی قەیرانەکان. توانای ئاسمانی و دەریایی و وشکانییان چەندین بژاردە بە فەرماندەی سەربازی دەبەخشێت، بەڵام تا ئێستاش بە مەبەستی ئەرکە کورتخایەنەکان دەمێننەوە، لەڕاستیدا جێگەی سەرسوڕمان بوو کە گروپی هێرشبەری دوورخراوە و یەکەی گەشتیاری دەریایی پێشتر لە ناوچەکەدا نەبوون کاتێک ئەم شەڕە سەریهەڵدا”.
ع
