مهودا میدیا-
چەند دەوڵەتێکی عەرەبی ئهمڕۆ یەکشەممە بە توندیی ئیدانەی هێرشەکانی ئێرانیان کرد کە بە مووشەک و فڕۆکەی بێفڕۆکەوان شانشینی بەحرەین و دەوڵەتی كوهیتیان کردە ئامانج.
وەزارەتی دەرەوەی ئیمارات رایگەیاند “ئەم هێرشە شەڕانگێزانە پێشێلکارییەکی ئاشکرای سەروەری بەحرەین و کوەیت و هەڕەشەیە بۆ سەر ئاسایش و سەقامگیرییان”.
وەزارەتەکە هاوسۆزی تەواوی ئیمارات لەگەڵ بەحرەین و کوەیت و پاڵپشتی بۆ هەموو رێوشوێنەکان بە ئامانجی پاراستنی ئاسایش و سەقامگیرییان دووپاتکردەوە.
لە بەیاننامەیەکی وەزارەتى دهرهوهى سعودیه هاتووە “شانشینی یەکگرتوو رهتکردنەوەی توندوتیژی خۆی بۆ ئەم هێرشانە دووپات دەکاتەوە کە پێشێلکردنی یاسا نێودەوڵەتییەکان و میساقی نەتەوە یەکگرتووەکانە، ئەم پێشێلکارییانە هەوڵە نێودەوڵەتییەکان کە ئامانجیان گەڕاندنەوەی ئاسایش و سەقامگیری ناوچەکەیە، تێکدەدەن”.
لای خۆیەوە جاسم محەمەد ئەلبودایوی ئەمینداری گشتیی ئەنجومەنی هاریکاری کەنداو بە توندی ئیدانەی هێرشە تیرۆریستییەکانی ئێرانی بۆ سەر شانشینی بەحرەین و دەوڵەتی کوێت کرد، کە بە مووشەکی بالیستیک و فڕۆکەی بێفڕۆکەوان ئەنجام دراون.
جەختیشی لەوە کردەوە کە ئەم هێرشە خیانەتکارانە هەڕەشەیەکی راستەوخۆ بۆ سەر ئاسایش و سەقامگیریی و سەلامەتی هاوڵاتییان و دانیشتوانی بەحرەین و كوهیت پێکدەهێنن و پێشێلکردنی ئاشکرای یاسا نێودەوڵەتییەکان و میساقی نەتەوە یەکگرتووەکانە، ئەم هێرشانە هەوڵە نێودەوڵەتیی و ناوچەییەکان بە ئامانجی بەرقەرارکردنی ئاسایش و ئاشتی و چارەسەرکردنی قەیرانەکان تێکدەدەن و بەردەوامی ئەم هێرشانەی ئێران ئەو هەوڵانە دەخاتە مەترسییەوە.
سکرتێری گشتیی کۆماری ئیسلامیی ئێران هەروەها پاڵپشتی رێکخراوی کۆمیسیۆنی جیهانیی دووپاتکردەوە بۆ هەموو ئەو رێوشوێنانەی کە شانشینی بەحرەین و دەوڵەتی كوهیت بۆ بەرزکردنەوەی ئاسایشی خۆیان و پاراستنی سەروەری خۆیان و پاراستنی هاوڵاتییان و دانیشتووانیان گرتوویانەتەبەر.
وەزارەتى دهرهوهى عومان هاوسۆزی تەواوی دەوڵەتی قەتەر لەگەڵ شانشینی بەحرەین و دەوڵەتی کوەیت دووپاتکردەوە، هەروەها پشتیوانیی خۆی بۆ هەموو ئەو رێوشوێنانەی کە دەیگرنەبەر بۆ پاراستنی سەروەری و ئاسایشیان.
ئوردن هەروەها ئیدانەی هێرشەكانى ئێرانی کرد کە بە مووشەک و فڕۆکەی بێفڕۆکەوان بەحرەین و كوهیتیان کردە ئامانج.
لای خۆیەوە میسر هێرشەکانی ئێرانی شەرمەزار کرد و هاوسۆزی تەواوی خۆی لەگەڵ بەحرەین و کوەیت و پشتیوانی تەواوەتی بۆ هەموو ئەو رێوشوێنانە دووپاتکردەوە کە بۆ پاراستنی ئاسایش و سەقامگیرییان دەیگرنەبەر.
ع
