مەودا میدیا-
سەرۆکی پارتی سۆسیال دیموکراتی کوردستان دوای بەشداریکردنی لە پرسەی عەلی خامنەیی، رێبەری کوژراوی باڵای ئێران پەیامێکی بڵاوکردەوە و ئاشکرایکرد شکۆی ئەمەریکا و ئیسرائیل شکاوە و پێگەکەی جارانیان لەسەر ئاستی جیهان لەدەستداوە.
محەمەد حاجی مەحمود، سەرۆکی پارتی سۆسیال دیموکراتی کوردستان رایگەیاند “نەخشەی سیاسیی جیهان گۆڕانکارییان بەسەرداهاتووە و جەنگەکانی ئەم دواییە شکۆی ئەمەریکا و ئیسرائیلی شکاندووە و ئەو دوو وڵاتە لەبەرچاوی جیهان بچووکبوونەتەوە”.
ئاماژەی بۆ ئەوەشکرد “ئێستا لە ریزبەندی هێزە جیهانییەکاندا ناوی چین، روسیا و ئێران لەپێش ناوی ئەمەریکاوە دێت و کەوتووەتە دوای ئێرانەوە، پێشبینی دەکات دۆخی نە شەڕ و نە ئاشتیی لە ناوچەکە بەردەوام بێت، تاوەکو ئەوەکاتەی ئەمەریکا ناچار دەبێت کۆتایی بە ململانییەکان بهێنێت”.
ب ح
