مەودا میدیا-
سەرۆک وەزیرانی عیراق سەبارەت بە واژۆکردنی رێککەوتنی هەناردەکردنی نەوت لە رێگەی بەندەری جەیهانی تورکیاوە لە تۆڕی کۆمەڵایەتی ئێکس پەیامێکی بڵاوکردەوە.
عەلی زەیدی، سەرۆک وەزیرانی عیراق رایگەیاند “بەغدا و ئەنکەرە رێککەوتنێکی ستراتیژییان بۆ گواستنەوەی 750 هەزار بەرمیل نەوتی رۆژانە لە رێگەی بەندەری جەیهانەوە واژۆ کرد”.
ئاماژەی بۆ ئەوەشکرد “گواستنەوەی نەوت لە رێگەی بۆری نەوتی عیراق-تورکیا دەستکەوتێکی ستراتیژیی گرنگە بۆ بەهێزکردنی هاوکارییە ئابوورییەکانی نێوان بەغدا و ئەنکەرە”.
ئەوەشی خستەڕوو “هەردوو وڵات لە چوارچێوەی رێڕەوێکی گشتگیردا کار دەکەن بۆ تەواوکردنی رێککەوتننامەیەکی چوارچێوەیی گرنگ کە کەرتی نەوت، کارەبا، دۆسییەی سەرچاوەکانی ئاو و بوارەکانی تری هاوکاریی لەخۆدەگرێت”.
ب ح
