مهودا میدیا-
گۆڤاری فۆرین پۆلیسی لە راپۆرتێکدا نووسیویەتی “لە کاتێکدا هەندێک بازنەی سیاسیی لە واشنتۆن پێیان وایە کە زیادبوونی فشارە ئابوورییەکان و هەڕەشە سەربازییەکان دەتوانن ئێران ناچار بکەن بە تەسلیمبوونی بێ مەرج، ژمارەیەک لە شرۆڤەکاران پێیان وایە کە ئەم رێبازە تێگەیشتنێکی ناتەواو لە بناغە فیکری و شوناسییەکانی رێبەری ئێرانە، ئەو بناغانە کە خۆڕاگریی نەک وەک تاکتیکێک، بەڵکو وەک بەشێک لە ناسنامەی سیستەمی کۆماری ئیسلامیی پێناسە دەکەن”.
گۆڤاره ئهمهریكییهكه دهڵێت “لە ساڵانی رابردوودا ئەم گریمانەیە لە بەشێک لە کەشوهەوای داڕشتنی سیاسەتی ئەمهریکادا دووبارە بووەتەوە کە چڕبوونەوەی گەمارۆکان، دابڕانی نێودەوڵەتیی و زیادبوونی مەترسیی سەربازی، دواجار عهلى خامنهیی، ڕێبەری باڵاى شۆڕشى کۆماری ئیسلامیی ئێران ناچار دەکات پاشەکشە بکات، بەڵام ئەو شیکاریانەی کە لە بەشێک لە میدیاکانی ڕۆژئاوادا بڵاوکراونەتەوە، نیشان دەدەن کە تێگەیشتنێکی لەو شێوەیە ڕەنگە لەگەڵ حاڵی بوونی ناتەواو لە پێکهاتە فیکریی و ئەزموونی مێژوویی ڕێبەری باڵای ئێراندا بێت”.
ئاژانسى میهرى نیمچه فهرمى ئێران لهو بارهوه نوسیویهتى “تەحەدای واشنتۆن بەرانبەر تاران تەنیا جیۆپۆلەتیکی نییە، بەڵکو رەهەندی دەروونی و ناسنامەیشی هەیە، لە روانگەی ئەم شرۆڤەکارانەوە، هەتا ناکۆکی لەسەر پرسە بنەڕەتییەکانی شوناس و تێڕوانینە جیاوازەکان بۆ شەرعیەت و سەربەخۆیی بەردەوام بێت، چاوەڕوانی تەسلیمبوونی بێ مەرج لەگەڵ واقیعە سیاسییەکانی ئێراندا ناگونجێت”.
ع
