مەودا میدیا-
بەڕێوەبەری گشتیی دەستەی گومرگەكانی عیراق ئاشکرایکرد گۆڕانكاری لە پێناسی گومرگی دەكرێت و باج لەسەر ئامێری كارەبایی، زێڕ بە رێژەی 5٪ و ئۆتۆمبێلیش بە رێژەی 15٪ زیاد دەكرێت.
سامر قاسم داود، بەڕێوەبەری گشتیی دەستەی گومرگەكانی عیراق رایگەیاند “باج لەسەر هاوردەكردنی ئۆتۆمبێل و زێڕ زیاتر دەکرێت و ئامانج لەم هەنگاوەی حکومەتیش رێگریکردنە لە خۆدزینەوە لە باجدان”.
ئاماژەی بۆ ئەوەشکرد “بڕیاری ژمارە 957ی ساڵی 2025، پێش دوو مانگ گشتاندنی بۆكراوە و بۆ سەرجەم دامودەزگاكان نێردراوە، بڕیارەكەش كتوپڕ نەبووە و بازرگانان پێشوەختە لێی ئاگاداركراونەتەوە”.
ئەوەشی خستەڕوو “زیادكردنی باجی گومرگیش تەنها ئامێری كارەبایی و زێڕ و ئۆتۆمبێل دەگرێتەوە و بڕیارەکە کاریگەریی لەسەر ماددە خۆراكییەكان و دەرمان و پێداویستییە سەرەكییەكان نابێت، ئەگەر گۆڕانكارییەكیش هەبێت، زۆر كەم و گونجاو دەبێت”.
ب ح
