مەودا میدیا-
سەرچاوەیەک لە وەزارەتی دارایی و ئابووریی هەرێمی کوردستان ئاشکرایکرد سەرجەم رێکارە یاسایی و داراییەکانیان بۆ ناردنی داهاتی نانەوتی مانگی پێنج (ئایار) تەواو کردووە.
سەرچاوەکەی وەزارەتی دارایی و ئابووریی هەرێم رایگەیاند “بڕیارە ئەمڕۆ نووسراوی فەرمی داهاتەکە ئاڕاستەی بەغدا بکرێت، کە بڕەکەی نزیکەی 50 ملیار دینارە و لە لقی هەولێری بانکی ناوەندییەوە دەخرێتە سەر هەژماری بانکی وەزارەتی دارایی عیراق”.
ئاماژەی بۆ ئەوەشکرد “خشتەی دابەشکردنی مووچەی مانگی پێنج (ئایار)ی فەرمانبەران بەتەواوی ئامادەکراوە و چاوەڕێی گەیشتنی پارەکەیە و راستەوخۆ دەست بە دابەشکردنی مووچە دەکرێت”.
ب ح
