مەودا میدیا-
سەرکونسوڵی گشتیی کۆماری ئیسلامیی ئێران لە هەولێر سەبارەت بە هێرشەکانی وڵاتەکەی بۆ سەر هەرێمی کوردستان ئاشکرایکرد هەندێک بابەت لە دەرەوەی ئیرادەی هەرێمی کوردستان و ئێرانە، ئەویش بوونی هێزەکانی ئەمەریکایە.
فەرامەرز ئەسەدی، سەرکونسوڵی گشتیی ئێران لە هەولێر رایگەیاند “ئامانجی هێرشەکانیان لە هەولێر بنکەکانی ئەمەریکا و گرووپە ئۆپۆزیسیۆنەکان بووە، نەک هەرێمی کوردستان”.
ئاماژەی بۆ ئەوەشکرد “بەئامانجگرتنی سیستمی راداری ئەمەریکا لەبەرئەوە بووە کە ئاراستەی مووشەک و درۆنەکانی ئێرانیان پێش گەیشتن بە ئامانجەکانیان ئاشکراکردووە”.
ئەوەشی خستەڕوو “هێرشەکانی وڵاتەکەی تەنها بۆ سەر بنکەکانی ئەمەریکا و گرووپە ئۆپۆزیسیۆنەکانی دژی ئێران بووە، نەک هەرێمی کوردستان، چونکە هەرێمی کوردستان کەسوکار و برای ئێمەن و کێشەمان لەگەڵیان نییە”.
ب ح
