مه‌ودا میدیا-

وته‌بێژێك به‌ناوی سه‌رۆك وه‌زیرانی به‌ریتانیاوه‌ ده‌ڵێت وڵاته‌كه‌ی بانگهێشتی باڵیۆزی ئێرانی له‌ له‌نده‌ن كردووه‌ به‌ مه‌به‌ستی ده‌ربڕینی ناڕه‌زایه‌تی به‌هۆی ده‌ستگیركردنی باڵیۆزی به‌ریتانیا له‌ تاران.

وته‌بێژ به‌ناوی سه‌رۆك وه‌زیرانی به‌ریتانیا وتی" ده‌ستگیركردنی باڵیۆزه‌كه‌ی به‌ریتانیا پێچه‌وانه‌ی رێككه‌وتنی ڤیه‌ننایه‌ و پێویسته‌ ئێران دڵنیایی بداته‌ به‌ریتانیا كه‌ رووداوی له‌و شێوه‌ دووباره‌ نه‌بێته‌وه‌".

دوێنێ‌ وه‌زاره‌تی ده‌ره‌وه‌ی ئێران بانگهێشتی رۆبێرت ماكیری، باڵیۆزی به‌ریتانیای له‌ ئێران كرد به‌هۆی به‌شداری كردنی له‌ گردبوونه‌وه‌ و خۆپیشاندانه‌كانی خه‌ڵكی ئێران دژی خستنه‌ خواره‌وه‌ی فڕۆكه‌ ئۆكرانییه‌كه‌.