کوردستانی

سبەینێ جارێكی دیكە خۆپیشاندانی مووچەخۆران دەستپێدەکاتەوە

مەودا میدیا - سلێمانی |


سبەینێ جارێكی دیكە خۆپیشاندانی مووچەخۆران دەستپێدەکاتەوە
مەودا میدیا - کاروان نوری

سبەینێ جارێكی دیكە خۆپیشاندانی مووچەخۆران دژی نەبوون و لێبڕینی مووچە دەست پێدەكاتەوە و داواش دەکرێت سەرجەم مووچەخۆران و چین و توێژەكان و هێزە ئەمنییەكان بەشداری خۆپیشاندانەكە بكەن.

مامۆستایانی ناڕازی لە تۆڕە كۆمەڵایەتییەكان پەیامێكیان بڵاوكردووەتەوە و رایانگەیاندووە "سبەینێ‌ شەممە لە سلێمانی و ئیدارەی راپەڕین و ئیدارەی گەرمیان خۆپیشاندانی مامۆستایان و فەرمانبەران و خانەنشینان دژی نەبوونی مووچە دەستپێدەكاتەوە".

مامۆستایانی ناڕازی بانگەوازێك ئاراستەی سەرجەم مووچەخۆران و چین و توێژەكان و هێزە ئەمنییەكان دەكەن بەشداری خۆپیشاندانەكە بكەن و بە هێمنی داوای مافی یاسایی خۆیان بكەن، داواش لە هێزە ئەمنییەكان كراوە، توندوتیژی بەكارنەهێنن.