مەودا میدیا- سازگار ئەحمەد

بەیانی ئەمڕۆ لەسەر شاخی نزیک گوندی کانی سبیلکەی سەر بە قەزای سیدسادق ئاڵایەکی داعش دانرابوو، کاتیك ئاسایشی سەیدسادق هەڵیانگرتووەتەوە لە ژێریدا بۆمبێک هەبووە تەقیوەتەوە، لە ئەنجامدا دوو ئاسایش برینداربوون.

سەرچاوەیەکی تایبەت لە قایمقامی قەزای سەیدسادقەوە بە مەودا میدیای راگەیاند "بەیانی ئەمڕۆ لەسەر شاخی نزیک گوندی کانی سبیلکەی سەر بە قەزای سیدسادق ئاڵایەکی داعش دانرابوو، کاتیك ئاسایشی سەیدسادق هەڵیانگرتووەتەوە لە ژێریدا بۆمبێک هەبووە تەقیوەتەوە".

ئەو سەرچاوەیە ئاماژەی بەوەشکردووە "بەهۆی تەقینەوەکەوە دوو کارمەندی ئاسایش برینداربوون، دواتر گوازراونەتەوە بۆ نەخۆشخانە لە ئێستادا تیمەکانی ئاسایش لە شوێنی رووداوەکەن".

س.س