مەودا میدیا-

بەڕێوەبەرایەتیی ئاوی هەڵەبجە دڵنیایی دەداتە دانیشتووانی ناحیەی خورماڵی سەر بە پارێزگای هەڵەبجە کە ئاوی خواردنەوەیان پاکە و هیچ گرفتێکی نییە بۆ تەندروستیی هاوڵاتییان.

لە راگەیەندراوێکدا بەڕێوەبەرایەتیی ئاوی هەڵەبجە رایگەیاندووە "ئەو ئاوەی كە دانیشتووانی گەڕەكی ئاشتی لە ناحیەی خورماڵ بەكاریدەهێنن، پاش پشكنین دەركەوتووە پاكە و سەرچاوەی بڵاوبوونەوەی نەخۆشییەكانی سكچون و رشانەوە نییە كە بەشێك لە هاوڵاتییان تووشی هاتوون".

هەر لە راگەیەندراوەکەدا ئەوەش هاتووە "چەندین جار لیژنەكانمان سەردانی ئەو ئاوەیان كردووە و دڵنیایی دەدەینە دانیشتووانی سنوورەكە ئەو سەرچاوەی ئاوە هیچ گرفتێكی نییە".

س.س