مەودا میدیا-

کاکەمین نەجاڕ، ئەندامی مەكتەبی سیاسی پارتی دیموکراتی کوردستان لە کۆنگرەیەکی رۆژنامەوانییدا لە دوای کۆبوونەوە لەگەڵ حزبی سۆسیالیست دیموکراتی کوردستان، ناوەڕۆکی کۆبوونەوەکانی چەند رۆژی رابردووی بۆ میدیاکان ئاشکرا کرد.

ناوبراو رایگەیاند لە کۆبوونەوەکاندا لەگەڵ لایەنە سیاسییەکان کە لەم چەند رۆژەی رابردوودا ئەنجامدران، گفتوگۆ کراوە لەبارەی پێکهێنانی هاوپەیمانێتییەکی فراوان بۆ بەشداربوونی لایەنە کوردییەکان لە هەڵبژاردنی ئەنجومەنی نوێنەرانی عیراق.

نەجاڕ، لەبارەی کۆبوونەوەی نێوان پارتی و یەکێتی، وتی "هەردوولامان جەختمان لە چەسپاندنی لامەرکەزی کردەوە، بەڵام هەردوولامان لەگەڵ ئەوەین هیچ زیانێک بە کیانی هەرێم نەگەیەنرێت بە هیچ بیانوویەک".

ئەمە لەکاتێکدایە کە لە چەند رۆژی رابردوودا شاندێکی پارتی دیموکراتی کوردستان بە سەرۆکایەتی کاکەمین نەجاڕ، سەردانی زۆرێک لە لایەنە سیاسییەکانیان کردووە و چەند پرسێکیان لەگەڵ تاوتوێ کردوون.

ب.م