مەودا میدیا-

پەرلەمانتارێکی فراکسیۆنی  پارتی دیموکراتی کوردستان لە پەرلەمانی کوردستان  بڕیاری رەتکردنەوەی مووچەی خانشینی دا کە یەکێک بوو لەماددەکانی پڕۆژە یاسای چاکسازی کە لەلایەن پەرلەمانی کوردستانەوە پەسەندکرا.

رێبوار بابکەیی، ئەندامی پەرلەمانی کوردستان لە فراکسیۆنی پارتی دیموکراتی کوردستان لە نوسراوێکدا کە ئاراستەی سەرۆکایەتی هەرێمی کوردستان کردووە تێیدا هاتووە "بەپێی ماددەی 7ی لە یاسای چاکسازی لە خانەنشین و مووچە و دەرماڵە ئیمتیازاتەکانی دیکە لە هەرێمی کوردستان-عیراق  کە لە رێکەوتی 16ی کانونی دووەمی 2020 لە پەرلەمانی کوردستان پەسەندکرا، مووچەی خانەنشینی رەت دەکەمەوە".

ئاماژەی بەوەشکردووە "لە کاتێکدا لە دوای تەواوبوونی ئەم خولەی پەرلەمان بە رێژەی 50% خانەنشین دەبم  بە بڕی 4 سەد و دووسەد هەزار مانگانە".