مەودا میدیا-

به‌رپرسی لقی پێنجی پارتی دیموكراتی كوردستان له‌ به‌غدا بۆ دەنگی ئەمەریکا دەڵێت "له ‌بنه‌ڕه‌تدا نیوه‌ی خاكی كوردستان به‌ره‌و ته‌عریب ده‌ڕوات" لەبارەی رادەستکردنی نەوتەوە بە بەغدا دەشڵێت "حكومه‌تی عیراقی ناتوانێت له‌ 250 هه‌زار به‌رمیل زیاتر وه‌ربگرێت لە هەرێمی کوردستان".

شوان محه‌مه‌د، به‌رپرسی لقی پێنجی پارتی دیموكراتی كوردستان له‌ به‌غدا لەبارەی رادەستکردنی نەوت بە بەغدا روونیکردووەتەوە "حكومه‌تی عیراقی ناتوانێت له‌ 250 هه‌زار به‌رمیل زیاتر وه‌ربگرێت، چونكه‌ ناتوانێت له‌بازاڕ بیفرۆشێت وه‌رگرتنی نه‌وت واته‌ فرۆشتن ده‌درێت به ‌سۆمۆ سیاسه‌تی سۆمۆ ناتوانێت له‌و بڕه‌ نه‌وته‌ی كه‌دیاریكراوه‌ له‌نێوان وه‌زاره‌تی سامانه‌سروشتییه‌كان و وه‌زاره‌تی نه‌وتی عیراقیدا، سۆمۆ ناتواتێت له‌وه بڕە‌ زیاتر وه‌ربگرێت".

به‌رپرسی لقی پێنجی پارتی دیموكراتی كوردستان له‌ به‌غدا ئاماژەی بەوە کردووە "من به‌ش به‌ حاڵی خۆم ده‌ڵێم ئه‌گه‌ر هه‌رێمی كوردستان هه‌موو نه‌وته‌كه‌ و هه‌موو داهاته‌كانیش ڕاده‌ستی حكومه‌تی عیراق بكات، به‌ڵام هه‌ندێك لایه‌نی سیاسی هه‌ن ده‌یانه‌وێت وه‌كو حكومه‌تێكی مه‌ركه‌زی مامه‌ڵه‌ بكه‌ن و بڕوایان به‌ هه‌رێمی كوردستان نییه‌ بڕوایان به‌سیسته‌می فیدڕاڵیه‌ت نییه‌، بڕوایان به‌ دیموكراسیه‌ت نییه‌، له‌بنه‌ڕه‌تدا كێشه‌كه‌ بۆ ئه‌وه‌ دروستكراوه‌ بۆ ئه‌وه‌ی داخوازییه‌كان خه‌ڵكی كوردستان ته‌نها له ‌بودجه‌وه‌ سه‌رچاوه‌ بگرێت كه‌ له‌ بنه‌ڕه‌تدا نیوه‌ی خاكی كوردستان به‌ره‌و ته‌عریب ده‌ڕوات".

ک. ر