مەودا میدیا-

وەزیری گواستنەوە و گەیاندنی حکومەتی هەرێمی کوردستان رایده‌گه‌ێنێت، ئەمساڵ پرۆژەی ستی پاس رادەیەگەنن و داواش دەکات ھەر شۆفێرێكیش كارتی زانیاری و لەزگەی تەكسی نەکردووە لە ماوەی دیاریکراودا پابەند نەبێت، ئەوا سزادەدرێت.

ئانۆ جەوھەر، وەزیری گواستنەوە و گەیاندنی حكوومەتی هەرێمی كوردستان، بۆ ماڵپەڕی فەرمیی پارتی دیموكراتی كوردستان دەڵێت "پڕۆسەی پێدانی كارتی زانیاری و لێدانی لەزگە بۆ ئۆتۆمبێلەكانی تەكسی جێبەجێ دەكرێت" و دەشڵێت "ھەر شۆفێرێكیش كارتی زانیاری و لەزگەی تەكسی نەکردووە لە ماوەی دیاریکراودا پابەند نەبێت، ئەوا سزا دەدرێت".

وەزیری گواستنەوە و گەیاندن ئاماژەی بەوەش کردووە "پڕۆژەی ستی پاس لە پێداچوونەوەی كۆتاییدایە و ئەمساڵ رایدەگەیەنین، تا كۆمپانیاكانی وەبەرھێنان بێن بۆ ئەوەی كاری تێدا بكەن".

ک. ر