مەودا میدیا- سازگار ئەحمەد

بەپێی یاسای چاکسازی وەزارەتی دارایی و ئابووری حکومەتی هەرێمی کوردستان بڕیاریداوە بە بڕینی مووچەی 10 هەزار کەس لە هەرێمی کوردستان کە بەشی زۆریان مووچەی بەخێوکەرن.

جەبار عومه‌ر، بەڕێوبەری شەهیدان و ئەنفالکراوانی گەرمیان لەوبارەیە بە مەودا میدیای راگەیاند "حکومەتی هەرێمی کوردستان بڕیاریداوە لەم مانگەوە مووچەی سەرجەم بەخێوکەران ببڕێت و نزیکەی 750 کەسیش لە سنووری گەرمیانن".

پێشتر حکومەتی هەرێمی کوردستان مانگانە بڕی 75 هەزار دیناری وەک مووچە دەدا بە بەخێوکەری خاوەن پێداویستییە تایبەتەکان، بەڵام لە ئێستادا وەزارەتی دارایی بڕیاری بڕینی ئەو مووچەیەی داوە.

 س.س