مەودا میدیا-

كۆتایی هه‌فته‌ی داهاتوو شه‌پۆلێكی دیكه‌ی بارانبارین سەرجەم شاره‌كانی هه‌رێمی كوردستان ده‌گرێته‌وه‌ بۆ ماوه‌ی چه‌ند رۆژێكیش به‌رده‌وامی ده‌بێت ئەوەش تۆمارکراوە پلەکانی گەرما  بە بەرزی دەمێنێتەوە.

ماڵپه‌ڕی ئه‌كواویزه‌ری ئه‌مەریكی كه‌ تایبه‌ته‌ به‌ كه‌شوهوای شاره‌كانی جیهان، بڵاویکردووەتەوە و  پێشبینی كردووه‌ كه‌ له‌ كۆتایی هه‌فته‌ی داهاتوودا شه‌پۆلێكی دیكه‌ی بارانبارین شاره‌كانی هه‌رێمی كوردستان دەگرێته‌وه‌ و بۆ ماوه‌ی چه‌ند رۆژێكیش به‌رده‌وام ده‌بێت، بەڵام پلەکانی گەرما بە بەرزی دەمێنێنەوە.

بەپێ پێشبینییەکانی ئەو ماڵپەڕە رۆژی پێنجشەممە 4/3//2021  شەپۆلێکی بارانبارین روو لە هەرێمی کوردستان دەکات و سەرجەم شارەکان دەگریتەوە، نزیکەی هەفتەیەک بەردەوام دەبێت.