مەودا میدیا-

وەزارەتی پەروەردەی حکومەتی هەرێمی کوردستان، دەوامی سەرجەم قۆناغەکانی خوێندنی جگە لە پۆلی 12، تاوەکو 8ی نیسانی 2021 راگرت.

ئەمەش دەقی بڕیارەکانی وەزارەتی پەروەردەی حکومەتی هەرێمی کوردستانە:

پاڵپشت بەو دەسەڵاتەی پێماندراوە لە کۆبوونەوەی لیژنەی باڵای رووبەرووبونەوەی کۆرۆنا لە  رێکكەوتی  1 ی 3 ی 2021، وە لە کۆبوونەوەی ئەمرۆ پێنج شەممە رێککەوتی 25 ی 3 ی 2021، بەرێزان ( وەزیری پەروەردە و بریکاری وەزارەت و بەرێوەبەری گشتی پەروەردەی پارێزگاکان ) ، لەبەر زیادبوونی رێژەی تووشبوون ومردن بە ڤایرۆسی کۆرۆنا ، ئاماژە بە هەڵسەنگاندنی تەندروستی، بریاردرا : 

1 - جگە لە قۆناغی 12ی ئامادەیی و پەیمانگاکانی سەر بە وەزارەتی پەروەردە ( حکومی - ناحکومی )  سەرجەم قۆناغەکانی دیکەی خوێندن دەوام تا رێککەوتی 8 ی 4 ی 2021، تەنها بۆ ئەنجامدانی  هەڵسەنگاندنی بازنەی یەکەم و تاقیکردنەوەکانی (20) نمرەی نوسینەکی لە قوتابخانە حکومییەکان و تاقیکردنەوەی کۆتایی وەرز لە قوتابخانە ناحکومییەکان دەبێت . پاشان لە کۆبوونەوەی لیژنەی باڵای کۆرۆنا هەڵسەنگاندنی نوێ بۆ دۆخی تەندروستی دەکرێتەوە. 

2 - هەموو ئەو قوتابخانە حکومیانەی هەڵسەنگاندنی بازنەی یەکەم و تاقیکردنەوەی(20) نمرەی نووسینەکیان کردووە دەوامیان تا 8ی 4ی 2021، رادەگیرێت .

راگەیاندنی وەزارەتی پەروەردە 
        25 ی 3 ی 2021