مەودا میدیا-

سەرۆکی حکومەتی هەرێمی کوردستان ئاشکرایکرد، زیاتر لە 43 هەزار ژەمە ڤاکسینی کۆرۆنا گەیشتۆتە هەرێمی کوردستان.

مەسرور بارزانی، سەرۆکی حکومەتی هەرێمی کوردستان، لە لاپەڕەی تایبەتی خۆی لە تۆڕی كۆمەڵایەتیی تویتەر، ئەمڕۆ رایگەیاند "گەیشتنی کاروانێکی دیکەی ڤاکسینی دژ به‌ كۆرۆنا لە رێگەی حکومەتی فیدراڵ بۆ هەرێمی کوردستان بە بڕی 43,800 ژەم جێی خۆشحاڵییە، كه‌ بەپێی سیستمی گرووپەکانی تۆمارکراو دەدرێت".

مەسرور بارزانی، ئاماژەی بەوەشکرد "ئەمە لە چوارچێوەی پلانەکانماندایە بۆ راستەوخۆ دابینکردنی بڕی زیاتر لە رێگەی کۆمپانیا بەرهەمهێنه‌رەکان ".