مه‌ودا میدیا-

كۆمسیۆنی مافه‌كانی مرۆڤی عیراق رایده‌گه‌یه‌نێت ئه‌مڕۆ یه‌كشه‌ممه‌ 12 خۆپیشانده‌ر له‌ به‌غدا و زیقار كوژراون، هاوكات كۆمسیۆنه‌كه‌ داوای راگرتنی توندوتیژییه‌كان به‌رامبه‌ر خۆپیشانده‌ران ده‌كات.

كۆمسیۆنی مافه‌كانی مرۆڤ له‌ عیراق رایگه‌یاند "ئه‌مڕۆ یه‌كشه‌ممه‌ 26ی كانونی دووه‌می 2020 له‌ به‌غدا 9 خۆپیشانده‌ر و له‌ زیقار 3 خۆپیشانده‌ر كوژراون، 230 كه‌س له‌ خۆپیشانده‌ران و هێزه‌ ئه‌منییه‌كان برینداربوون، 89 خۆپیشانده‌ریش ده‌ستگیركراون".

كۆمسیۆنی مافه‌كانی مرۆڤ له‌ عیراق داوای  راگرتنی توندوتیژییه‌كان به‌رامبه‌ر خۆپیشانده‌ران ده‌كات.

له‌ دوو رۆژی رابردوودا سه‌ره‌ڕای هه‌وڵی هێزه‌ ئه‌منییه‌كان بۆ بڵاوه‌پێكردن و كۆتایی هێنان به‌ خۆپیشاندانه‌كان له‌ شاره‌كانی ناوه‌ڕاست و خوارووی عیراق به‌ڵام خۆپیشانده‌ران سورن له‌سه‌ر به‌رده‌وامیدان به‌ خۆپیشاندانه‌كان.