مەودا میدیا-

راوێژکاری دارایی مستەفا کازمی سەرۆک وەزیرانی عیراق رایدەگەیەنێت عیراق پەنا بۆ قەرزکردن نابات ئەگەر نرخی نەوت بگاتە 70 دۆلار بۆ هەر بەرمیلێک، ئاماژە بەوەشدەکات ێویستە سندوقی سەقامگیرکردنی بودجە وەک سندوقی سیادی هەبێت.

ئەمڕۆ یەکشەممە 28ی ئاداری 2021 مەزهەر محەمەد ساڵح، راوێژکاری دارایی مستەفا کازمی سەرۆک وەزیرانی عیراق رایگەیاند "عیراق پەنا بۆ قەرزکردن نابات ئەگەر نرخی نەوت بگاتە 70 دۆلار بۆ هەر بەرمیلێک".

ئاماژەی بەوەشکرد "پێویستە سندوقی سەقامگیرکردنی بودجە وەک سندوقی سیادی هەبێت کە لە دژی مەترسی هەڵئاوسان یان دابەزینی بەردەوامی داهاتەکان, چونکە داهاتی نەوت زیاتر لە 92%ی کۆی بودجە هەژمار دەکات".

ئەو راوێژکارەی مستەفا کازمی وتی "نرخی بەرمیلێک نەوت نابێت لە 70 دۆلار کەمتر بێت بۆ بەدیهێنانی بودجەیەکی هاوسەنگ، بەبێ ئەوەی پەنا بۆ قەرزکردن بۆ دارایی کەمی بودجەی ساڵانە ببەیت".

س.س