مەودا میدیا-

بەڕێوەبەرایەتیی گشتیی تەندروستیی سلێمانی چەند رێنماییەکی نوێی دەرکرد تایبەت بە خۆپاراستن لە ڤایرۆسی کۆرۆنا کە خۆی لە 15 رێنماییدا دەبینێتەوە ئەوانیش:

1- بەستنی دەمامك بە تایبەت لەكاتی چوونە دەرەوە و شوێنە قەرەباڵغەكان.

2-  شۆردنی دەستەكان بە ئاو و سابون بەشێوەیەكی بەردەوام بەلایەنی كەمەوە لە 20 چركە كەمتر نەبێت.

3- پاكژكردنەوەی دەستەكان بەجێلی كهولی كەڕێژەی كهولەكەی لە 60% كەمتر نەبێت.

4- دووركەوتنەوە لەتەوقەكردن لەگەڵ كەسی بەرانبەر.

5- دووركەوتنەوە لەدەست لێدانی دەم و لوت وچاو.

6- دووركەوتنەوە لەئاژەڵی كێوی و بەشێوەی ڕاستەوخۆ دەستی لێ نەدرێت.

7- دووركەوتنەوە لەبەشداری كردن لەچالاكیە كۆمەڵایەتیەكان وەك ئاهەنگ و كۆڕ و كۆبوونەوە و مەراسیمەكان.

8- بەكارهێنانی كلێنیكس لەكاتی كۆكە و پژمین و دواتر فرێدانی بۆ ناو سەبەتەی خۆڵی سەرداپۆشراو.

9- دووركەوتنەوە لە قەرەباڵغی و مانەوە لەماڵەوە بەپێی توانا.

10- خۆبەدوورگرتن لە تووشبووان یان ئەو كەسانەی نیشانەی تووشبوونیان تێدا دەركەوتووە.

11- دووركەوتنەوە لەترس و شڵەژان چونكە دەبێتە هۆی كەمبوونەوەی بەرگری لەش.

12- راگرتنی گەشتكردن بۆ وڵات و ناوچانەی كۆرۆنای تێدا بڵاوبووەتەوە.

13- بەردەوام هەوا گۆڕكێ لە ماڵ و شوێنی نیشتەجێ بووندا بكرێت.

14-  بەبێ  بەكارهێنانی كەلوپەلی خۆپاراستن هەڵسوكەوت لەگەڵ ئاژەڵ و باڵندەی  كێوی و ماڵی مەكە.

15- لەكاتی نەخۆشیدا سەردانی نزیكترین دامەزراوەی  تەندروستی بكە بۆ وەرگرتنی چارەسەر و رێنمایی.

س.س