مەودا میدیا-

مەرزی پەروێزخان بەڕووی گەشتیاراندا کراوەتەوە و هاوڵاتییانی عیراق و هەرێمی کوردستان دەتوانن گەشتەکانیان بۆ کۆماری ئیسلامیی ئێران ئەنجامبدەن، هاوکات ئاڵوگۆڕی بازرگانی لە رێگەی بەندەرەکانی قەسری شیرین بەپێی پرۆتۆکۆڵی تەندروستی دەبێت، هەروەها جێبەجێکردنی رێنماییە تەندروستییەکان بۆ شۆفێرانی بارهەڵگر لە سنووری پەروێزخان توندر دەکرێت.

بەپێی زانیارییەکان ئەمڕۆ شەممە 3ی تەمموزی 2021 کۆماری ئیسلامیی ئێران مەرزی پەروێزخانی بەڕووی گەشتیارانی عیراق و هەرێمی کوردستان کردووەتەوە و هاوڵاتییان دەتوانن وەک پێشوو گەشتەکانیان بۆ ئێران لە مەرزی پەروێزخانەوە دەستپێبکەنەوە.

هاوکات ئاڵوگۆڕی بازرگانی لە رێگەی بەندەرەکانی قەسری شیرین بەپێی پرۆتۆکۆڵی تەندروستی دەبێت و جێبەجێکردنی رێنماییە تەندروستییەکان بەهۆی بڵاوبوونەوەی ڤایرۆسی کۆرۆناوە بۆ شۆفێرانی بارهەڵگر لە سنووری پەروێزخان توندر دەکرێت.

 

بۆ زانیاریی زیاتر مەودا میدیا پەیوەندی بە ئارام سایەخان، بەرپرسی راگەیاندن و پەیوەندییەکانی مەرزی پەروێزخانکرد، بەڵام پەیوەندییەکەی بەردەست نەبوو.

پ.ح