مەودا میدیا-

لە مۆسکۆ فیستیڤاڵی فیلمی کوردی بە نمایشکردنی فیلـمی (کچانی رۆژ) دەستیپێکرد و بڕیارە پێنج رۆژ بخایەنێت.

فیستیڤاڵی فیلمی کوردی لە مۆسکۆ رۆژی چوارشەممە 21ی تەمووزی 2021  دەستیپێکرد و بڕیارە تا 25ی هەمان مانگ بەردەوام بێت.

لە فیستیڤاڵەکەدا سینەماکارانی کورد و میوانانی بیانی بەشدار دەبن و چەندین فیلم و کورتە فیلمی کوردی نمایش دەکرێت.

ئەمە یەکەم خولی فیستیڤاڵەکەیە و بڕیارە لە ساڵانی داهاتووشدا بەردەوامیی هەبێت.

ب.م