مەودا میدیا-

ماڵپەرێکی عەرەبی تایبەت بەبوارەکانی تەکنەلۆژیا و زانیاری بڵاویکردەوە، دەتوانرێت لە رێگەی چەند ئاماژەیەکەوە بەبێ پەنا بردن بۆ بەرنامەی پێشکەوتوو کەسەکان دڵنیاببنەوە لەوەی کە مۆبایلەکانیان لە ژێر چاودێریدایە. 

ماڵپەری عالەم ئەلتەقەنیاتی میسری بڵاویکردەوە " لە ساڵانی رابردوودا تەکەنەلۆژیا و زانستەکانی زانیاریی زۆر بەرەو پێشەوە چوون، بۆیە کەسانێکی زۆر گومانیان لەوە هەیە کە مۆبایلەکانیان لەژێر چاودێریدایە و سیخوڕی دەکرێت بەسەریانەوە".

ئاماژە بەوەکراوە "بەچەند رێگەیەکی  ئاسان و بەبێ ئەوەی پەنا ببرێت بۆ بەکارهێنانی بەرنامەی پێیشکەوتوو، دەتوانرێت لە رێگەی چەند ئاماژەیەکەوە بزانێت کە مۆبایلەکەت سیخۆڕی بەسەرەوە دەکرێت و لەژێر چاودێریدایە".  

ئەگەر کەسێک لە مۆبایلەکەیدا ئەم ئاماژانەی بەدی کرد ئەو دەبێت دڵنیابێتەوە لەوەی کە مۆبایلەکەی  لە ژێر چاودێریدایە:  

- بوونی ژاوەژاو و تێکەڵ بوونی دەنگ لەکاتی پەیوەندیکردندا.  

- مۆبایلەکە لە خۆیەوە دەکرێتەوە و شاشەکەی رووناک دەبێتەوە بەبێ ئەوەی دەستکاری بکرێت.  

- بارگاوی پاتری مۆبایلەکە زوو تەواو دەبێت.  

 - بەرزبوونەوەی پلەی گەرمی مۆبایلەکە، کە ئەوەش  ئاماژەیەکە کە هەوڵدەدرێت فایلەکانی ناو مۆبایلەکەت بگوازرێتەوە بۆ ئامێرێکی دیکە.   

- نامە  شێوەی کۆد و ژمارە ئاراستەی مۆبایلەکەت دەکرێت، ئەوەش ئاماژەیەکە کە کەسانێک هەن هەوڵی ئەوە دەدەن سیخوڕی بکەن بەسەرەتەوە .  
ماڵپەڕەکە دەڵێت "دەبێت وەریابیت لە کردنەوەی ئەو لینکانەی کە لە رێگەی نامەی smm وە پێت دەگات،  نابێت بەهەرەمەکی بکرێنەوە. "

ر. ر