مەودا میدیا-

رۆژ بەرۆژ ژمارەی قوربانیانی ڤایرۆسی کۆرۆنا لە وڵاتی چین زیاد دەکات بەپێی کۆتا ئاماریش تاوەکو ئێستا 492 کەس بەو هۆیەوە گیانیان لەدەستداوە.

بەپێی دواین ئامار کە میدیاکانی چین بڵاویان کردووەتەوە لە وڵاتی چین 24 هه‌زار  342 هاوڵاتی توشی ڤایرۆسی كۆرۆنا بوون کە 492 کەس لەو توشبووانە گیانیان لەدەستداوە.

ئەمەش لەکاتێکدایە، لە ئێستاشدا ڤایرۆسەکە لە 25 وڵاتی جیهان بڵاوبووەتەوە پێشبینی دەکرێت ڤایرۆسەکە لە وڵاتانی دیکە بڵاوبێتەوە، لەبەر ئەم هۆکارەش بەشێکی زۆر لەوڵاتان گەشتەکانیان بۆ وڵاتی چین راگرتووە و رێککاری تەندروستیان گرتووەتە بەر بۆ خۆپاراستن لە ڤایرۆسی کۆرۆنا.