مەودا میدیا-

بەڕێوەبەری پلاندانان و میلاکاتی وەزارەتی پێشمەرگە رایگەیاند، چوار لیوای دیکە لە هێزەکانی 70 و 80 دروستدەکرێت و دەخرێتە سەر وەزارەتی پێشمەرگەی حکومەتی هەرێمی کوردستان.

لیوا روکن کارزان، بەڕێوەبەری میلاکاتی وەزارەتی پێشمەرگەی حکومەتی هەرێمی کوردستان رایگەیاند "دوای یەکەکانی پشتیوانی یەک و دوو، چوار لیوای دیکە لە یەکەکانی (70 و 80) دروستدەکرێت و دەخرێنە سەر وەزارەتی پێشمەرگە، خشتەو لیستی میلاکات و تەشکیلاتی ئەو لیوایانە هاوشێوەی لیواکانی پیادەی سەر بە وەزارەت رێکخراونەتەوە".

ئەوەشی خستووتەڕوو "رێکخستنەوەی هێزەکان و پرۆسەی خستەن سەر وەزارەتی پێشمەرگە بەردەوامی دەبێت و هەنگاو بە هەنگاو لە چەند قۆناغێکدا جێبەجێدەکرێت".

ر. ر