مەودا میدیا-

لێپرسراوی کۆمیتەی یەکێتیی نیشتیمانی کوردستان لە قەرەتەپە رایگەیاند، داعش چوار گولـلە ھاوەنی ئاراستەی ناو سەنتەری ناحیەی قەرەتەپە کرد،  بەڵام هیچ زیانێکی گیانی و مادی نەبووە.

ئیبراهیم عەلی ئاغا، لێپرسراوی کۆمیتەی یەکێتیی نیشتیمانی کوردستان لە قەرەتەپە بە مەودا میدیای راگەیاند "ئەمشەو کاتژمێر 6:45 خولەک داعش چوار گولـلە ھاوەنی ئاراستەی ناو سەنتەری ناحیەی قەرەتەپە کرد،  بەڵام خۆشبەختانە ھیچ زیانێکی گیانی و مادی لێنەکەوتوەتەوە".

ئاماژەی بەوەشکرد "گولـلە ھاوەنەکان لەلایەن تیرۆریستانی داعش و لە رۆژئاوای شارۆچکەکەوە ئاراستەکراون و حەشدی شەعبیش بە ئاراستەکردنی دوو گولە ھاوەن وەڵامی داوەتەوە".

بەهۆی بوونی بۆشایی ئەمنی لە نێوان سوپای عیراق و هێزی پێشمەرگە ماوەیەکە جموجۆڵەکانی داعش لەسنوری ناوچە دابڕێنراوەکانی دیالە تەشەنەی کردووە.

ر. ر