مەودا میدیا-

ئێوارەی دوێنێ فەیسبووک و مەسنجەر لە تویتەر و ئینستاگرام هاککران کۆمپانیای تویتەریش دەڵێت "ئەکاونتی هەریەک لە فەیسبووک و مەسنجەر لەسەر پلاتفۆڕمەکەی هاککراوە".
 
بەپێی هەواڵی میدیا جیهانییەکان، ئێوارەی دوێنێ هەینی هەژمارە فەیسبووک و مەسنجەر لە تویتەر و ئینستاگرام لەلایەن گروپێکی هاککەرەوە هاککرا، بەڵآم ماڵپەڕی سەرەکی فەیسبووک دووربوو لەو هێرشە.

لەو بارەیەوە وتەبێژی تویتەر لە راگەیێندراوێکدا ئاماژەی بەوە کردووە، ئەکاونتی فەیسبووک و مەسنجەر لەلایەن پلاتفۆرمی لایەنی سێیەم هاککراوە و دەڵێت "هەر کە پێمانزانیوە هاککراوین، بەشە هەستیارەکانی ئەکاونتەکەمان قوفڵ کردووە، هەروەها لە ئێستادا لەگەڵ کۆمپانیانی فەیسبووک سەرقاڵی چارەسەرکردنی کێشەکەین".

 ئەو گروپە هاککەرە کە بە "Ourmine" ناسراون گروپێکی هاکی بەناوبانگن لە جیهاندا لە ساڵی رابردوو هەژماری هەریەک لە دامەرێنەری تویتەر و جێبەجێکاری گۆگڵیان هاک کرد.