مەودا میدیا-

بەڕێوەبەرایەتیی پەروەردەی رەواندز لە ئاگاداریی نامەیەکدا رایگەیاند،  ئاگاداری مامۆستایانی وانەبێژ دەکاتەوە لەسنوری بەڕێوەبەرایەتییەکەیان کە سبەینێ پارەی وانەبێژی مانگەکانی کانوونی دووەم و شوبات و ئازاری ئەمساڵیان بەسەردا دابەشدەکرێت.

لەراگەیەندراوێکدا بەڕێوەبەرایەتیی پەروەردەی رەواندز ئاماژەی بەوەکرد "پارەکە بۆ مامۆستایانی وانەبێژی هەمیشەیی (میلاکە) لە سنوری بەڕێوەبەرایەتییەکەیان و سبەینێ کاتژمێر 10ی بەیانی دابەشدەکرێت، پارەی وانەبێژییەکە بۆ مانگەکانی کانوونی دووەم و شوبات و ئازاری ئەمساڵە".

لە هەرێمى کوردستان زیاتر لە 21 هەزار مامۆستای وانەبیژ هەیە کە ئەمانە دانەمەزراون و پێشتر حکومەتى هەرێمی کوردستان شایستەیەکى دیاریکراوى بۆ بڕیبوونەوە بەبڕى 300 هەزار بۆ مامۆستایانى هەڵگرى بروانامەى بەکالۆریۆس و 250 هەزار دینار بۆ هەڵگرانى بڕوانامەى دبلۆم.

ر. ر