مەودا میدیا-

بەڕێوەبەرایەتیی گشتیی نەهێشتنی مادە هۆشبەرەکان رایگەیاند، 14 کەسیان بە تۆمەتی بەکارهێنان و مامەڵەکردن بە مادە هۆشبەرەکان دەستگیرکردووە، دەستیشگیراوە بەسەر بڕێکی زۆر لەمادە هۆشبەرەکان.

ئەمڕۆ سێشەممە، 28ی ئەیلولی 2021 بەڕێوەبەرایەتیی گشتیی نەهێشتنی مادە هۆشبەرەکان لە راگەیەندراوێکدا "لەچەند چالاکییەکدا لەناوشاری هەولێر لەلایەن ئەفسەر و کارمەندانی بەڕێوەبەرایەتییەکەوە توانراوە 14 تۆمەتبار دەستگیربکرێت و دەستبەسەر چوار کیلۆ و 220 گرام تلیاکی تێکەڵکراو بە پەمۆدا بگیرێت".

ئەوەشی خستووتەڕوو "هەر لەچالاکییەکاندا بڕی659 گرام کریستاڵ و بڕی  35 گرام تلیاک و 30 گرام جامایکا و 34 گرام هێرۆین و بڕی 21 دەنک حەبی لۆرازپام و 10 دەنک حەبی ترامادۆڵ دەستیبەسەرداگیراوە".

باسی لەوەشکردووە "تۆمەتبارەکان بەپێی مادەی 25 لەیاسای مادە هۆشبەرەکان پەڕاوی لێکۆڵینەوەیان بۆ کراوەتەوە و رەوانەی بەردەم دادوەری لێکۆڵینەوە کراون".

ر. ر