مەودا میدیا-

شانەی راگەیاندنی ئەمنیی عیراق رایدەگەیەنێت مەفرەزەکانی دەزگای ئاسایشی نەتەوەیی لە پارێزگای نەینەوا 25 ئەندامی تیرۆریستی سەر بە چەکدارانی داعشیان دەستگیرکردووە.

ئەمڕۆ هەینی 1ی تشرینی یەکەمی 2021 شانەی راگەیاندنی ئەمنیی عیراق رایگەیاند "مەفرەزەکانی خزمەتگوزاری ئاسایشی نەتەوەیی لە پارێزگای نەینەوا و دوای بەدەستهێنانی رەزامەندی دادوەری لەسەر بنەمای هەواڵگری و کرداری ورد توانرا 25 ئەندامی تیرۆریستی سەر بە رێکخراوی تیرۆریستی داعش دەستگیر بکەن".

ئاماژە بەوەشکراوە "ئەو 25 کەسە لەکاتی لێکۆڵینەوەدا دانیان بە تاوانەکانیاندا ناوە کە چەندین تاوانیان دژی هاوڵاتییان ئەنجامداوە و رووبەڕووی هێزە ئەمنییەکان بوونەتەوە و بەکارهێنانی ئامێرەکانی تەقەمەنی لەکاتی شەڕدا".

س،ر