مەودا میدیا-

وتەبێژی حکومەتی هەرێمی کوردستان رایگەیاند، هەموو هەوڵێکمان بۆ ئەوەیە مووچە لە کاتی خۆیدا و بەبێ لێبڕین دابەشبکرێت.

سەبارەت بەدەنگۆی ئەوەی کە مووچەی فەرمانبەران لە دوای ئەم مانگەوە بە لێبڕینەوە دابەشدەکرێت، لە کۆنگرەیەکی رۆژنامەوانیدا جوتیار عادل، وتەبێژی حکومەتی هەرێمی کوردستان رایگەیاند "بە پێی ئەو داهاتانەی لەبەردەستماندادەبێت هەموو هەوڵێکمان بۆ ئەوەیە مووچە لە کاتی خۆیدا و بەبێ لێبڕین دابەشبکرێت".

سەبارەت بە دابەشکردنی نەوتی سپی لە ناوەندی شارەکان رایگەیاند "لە ئێستادا دەست بەدابەشکردنی ئەو 100 ملیۆن لیترە نەوتەکراوە کە لە بەغداوە بۆمان نێردراوە و سەرەتا لە ناوچە شاخاوییەکان دابەشدەکرێت".

باسی لەوەشکرد "ئێمە بۆ دابەشکردنی نەوت بەسەر تەواوی هاوڵاتییانی هەرێمی کوردستان پێویستمان بە زیاتر لە 250 ملیۆن لیتر نەوتی سپیی هەیە".

ر. ر