مەودا میدیا-

بەڕێوەبەرایەتیی ئاسایشی هەولێر ئەو گرووپەیان دەستگیرکردووە کە هەشت ئۆتۆمبێلی هاوڵاتییانیان بەناوی دۆزینەوەی هەلی کارەوە بردبوو و بۆیان نەگەڕاندبوونەوە. 

 

ئەمڕۆ هەینی بەڕێوەبەرایەتیی ئاسایشی هەولێر راگەیەندراوێکی بڵاوکردەوە و ئاماژەی بەوەکرد "باندێكی دزیكردن به‌ناوی هه‌لی كار فێڵیان له‌ ژماره‌یه‌ك هاوڵاتی كردووه‌ و ئۆتۆمبێله‌كانییان دزیون، دوای به‌دواداچوونی به‌ڕێوه‌به‌رایه‌تییه‌كه‌مان، به‌ هاوكاری پۆلیسی هه‌ولێر ئه‌مشه‌و ئه‌و بانده‌ ده‌ستگیركران".

باسی لەوەشکردووە "بانده‌كه‌ لێكۆڵینه‌وه‌یان له‌گه‌ڵ ده‌كرێت و دوای ئه‌وه‌ش ده‌درێنه‌ دادگا و سزای یاسایی خۆیان وه‌رده‌گرن".

ئەوە لە کاتێکدایە کۆمپانیایەک بەناوی دۆزینەوەی هەلی کار فێڵی لە ژمارەیەک هاوڵاتی کردووە و ئۆتۆمبێلەکانیانی لێوەرگتوون و بردوویانن و نەیانگەڕاندوونەتەوە.

ر. ئ.