کوردستانی
حکومەتی هەرێم لە بەرژەوەندی هاوڵاتییان بڕیارێکی گرنگی دا
مەودا میدیا - سلێمانی |
مەودا میدیا-
حكومەتی هەرێمی کوردستان بەمەبەستی هەرزانکردنی نرخی خۆراك و پێویستی هاوڵاتییان بڕیاریدا گومرگ لەسەر 14 مادەی خۆراک بۆ ماوەیەکی کاتی هەڵبگرێت و دەشڵێت "بەمەرجی کوالێتی کۆنتڕۆڵ".
حكومەتی هەرێمی کوردستان بەمەبەستی هەرزانکردنی نرخی خۆراك و پێویستی هاوڵاتییان بڕیاریدا گومرگ لەسەر 14 مادەی خۆراک بۆ ماوەیەکی کاتی هەڵبگرێت و دەشڵێت "بەمەرجی کوالێتی کۆنتڕۆڵ".
لە راگەیەندراوێکدا ئەمڕۆ شەممە 16ی نیسان ئەنجومەنی وەزیرانی هەرێمی کوردستان ئاماژەی بەوەکرد "بەمەبەستی رووبەڕووبوونەوەی هەر قەیرانێكی چاوەڕوانكراو لەبواری بەرهەم و پێداویستییە خۆراكییە سەرەكییەكان، بەهۆی جەنگی رووسیا- ئۆكرانیاوە و رێگەگرتن لە گران بوونی نرخ لە بازاڕدا باج لەسەر 14 مادەی خۆراکی هەڵدەگیرێت".
لە راگەیەندراوکەدا هاتووە "بڕیار دراوە بۆ ماوەی دوو مانگ گومرگ لەسەر خۆراك و پێویستییەكانی وەك (ئارد، برنج، زەیتی گوڵەبەڕۆژە، زەیتی گەنمەشامی، رۆنی بەستووی روەكی، رۆنی بەستووی حەیوانی، چای رەش، شەكر و پاقلەمەنییەكانی وەک نۆک، نیسک، فاسۆلیا، پاقلە، لۆبیا، ماش و شیری منداڵان" هەڵبگیرێت".
بەگوێرەی بڕیارەکە، وەرگرتنی باج لە بازرگانانی هاوردەی بەرهەمی خۆراكی دوادەخرێت و ئاسانكارییان بۆ دەكرێت بۆ هاوردەکردنی خۆراك وەك سەردەمی كەرەنتینە و كۆرۆنا بە مەرجی پابەندبوون بە كوالێتی كۆنتڕۆڵەوە.
ر. ئ.