مەودا میدیا-

بەڕێوەبەرایەتیی پۆلیسی دارستان و ژینگەی پارێزگای سلێمانی دەستگیرکردنی چوار تۆمەتباری راگەیاند کە بە نایاسایی سەرقاڵی کارکردن بوون لە بیری ماڵێک.

لە راگەیەندراوێکدا بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند "پاش ئەوەی لە شارەزور چەند هاوڵاتییەك بەشێوەیەكی نایاسایی سەرقاڵی پاككردنەوەی بیری ماڵێك بوون، كە ببووە هۆی پیسكردنی گەڕەكەكەیان دوای وەرگرتنی زانیاری مەفرەزەیەكی بەشی پۆلیسی دارستانی شارەزوور گەیشتنە شوێنی دیاریكراو، لە ئەنجامدا چوار هاوڵاتییان بە تۆمەتی زیادەڕۆیی دەستگیركرد".

ئاماژە بۆ ئەوەكراو "هاوكات دەستگیرا بەسەر یەک بارهەڵگر، یەک كۆمپلێسەری هەوا ، 200م بۆری گەورە و بچووك، هەروەها پەڕاوی لێكۆڵینەوە ڕێكخراوەو ڕادەستی دادوەر كراوە بۆ وەرگرتنی ڕێكاری یاسایی".

س،ر