مەودا میدیا-

وتەبێژى وەزارەتى دەرەوەى ئێران رایگەیاند، کێشەکانى نێوان هەرێمى کوردستان و عیراق پرسی ناوخۆیین و هەوڵیانداوە هەردوولا لەیەک نزیکبنەوە.  

  

ئەمڕۆ دووشەممە سەعید خەتیب زادە لە کۆنفرانسێکى رۆژنامەوانیدا جەختیکردەوە لە نزیکەوە چاودێرى پرسە ناوخۆییەکانى عیراق دەکەن، بەڵام چارەسەرکردنى کێشەکانى هەرێم و بەغدا پەیوەندى بە خۆیانەوە هەیە.  

  

راشیگەیاند، هەردوولا لەساڵانى رابردوودا گەیشتوون بە لێکتێگەیشتن، خواستى تاران لێکنزیکبوونەوەى هەردوولایە و هیوایان ئەوەیە ناکۆکییەکانى هەرێم و بەغدا روو لە کەمبنەوە بکەن.  

خه‌تیبزاده‌ وتیشی "ئێمه‌ هەمیشە داوای یەکڕیزیمان کردووه‌ و هه‌وڵمانداوه‌ ئاراسته‌كان له‌ عیراقدا لێکنزیک بکەینەوە و هیوادارین گرژییەکان کەمببنەوە و لایه‌نه‌كان بگه‌نه‌ رێككه‌وتن".

ر. ئ