مەودا میدیا-

سەرۆک وەزیرانی عیراق داوادەکات بەزووترین کات پرۆژه‌ یاسای بودجه‌ی ساڵی 2023 تەواوبکرێت و بنردرێتە ئەنجومەنی نوێنەرانی عیراق بۆ ئەوەی بەبێ دواکەوتن بچێتە بواری جێبەجێکردنەوە.

ئەمڕۆ شەممە 26ی تشرینی دووەمی 2022 نووسینگەی محەمەد شیاع سودانی، سەرۆک وەزیرانی عیراق  بڵاویکردەوە، ئەمڕۆ سه‌رۆك وەزیرانی عیراق سه‌رۆكایه‌تیی كۆبوونه‌وه‌یه‌كی تایبه‌تی کرد بۆ ‌گفتوگۆكردن لەبارەی پرۆژه‌ یاسای بودجه‌ی ساڵی 2023.  

 

لە کۆبوونەوەکەدا سەرۆک وەزیرانی عیراق رایگەیاند "پێویستە ئه‌م پڕۆژه‌ یاسایه، به‌زووترین كات تەواو بکرێت و پێشكەشی پەرلەمان بکرێت تاوەکو به‌بێ دواكه‌وتن بكه‌وێته‌ بواری جێبه‌جێكردنه‌وه"‌. 

ئاماژەی بەوەکرد "كاره‌ له‌پێشینه‌كانی به‌رنامه‌ی حكومه‌ت ‌بریتین له نەهێشتنی بێكاری، كه‌مكردنه‌وه‌ی هه‌ژاری، رووبه‌ربووبوونه‌وه‌ی گه‌نده‌ڵی و باشتركردنی خزمه‌تگوزارییه‌كان له‌گه‌ڵ ئه‌نجامدانی چاكسازی له‌بواری ئابوورییدا". 

س.ر