مەودا میدیا- 

عەزیزی کورتە باڵا کێیە؟

بۆچی توانیویەتی لە تۆڕە کۆمەڵایەتییەکان و جیهان بەتایبەت وڵاتانی عەرەبی ناوبانگی خۆی بدۆزێتەوە؟

عەزیز کوڕێکی گەنجی باڵا کورت و خاوەن تایبەتمەندی خۆی بوو.

بە قسەخۆش و جووڵە و دەرکەوتنەکانی لە تۆڕە کۆمەڵایەتییەکان توانیوی لایەنگرێکی زۆر بۆ خۆی کۆبکاتەوە و لەو رێگایەشەوە داهاتێکی زۆر بەدەستبێنێت.

عەزیز لەگەڵ کۆمپانیا گەورەی نێودەوڵەتی و ناوخۆکانی سعودیا رێکەوتنی بوو بۆ ریکلام و ساڵانە داهاتێکی باشی بەدەستهێناوە.  ئەگەرچی عەزیز هەتا ئەو رۆژەی کۆچیدوایی کرد باسی داهاتەکەی خۆی نەکردووە.

عەزیز لەدایکبووی ریازە لە سعودیا و تاوەکو ئێستا بە تەواوەتی تەمەنی خۆی ئاشکرا نەکردبوو، زۆر کەس پێیانوابوو تەمەنی لە نێوان 29 بۆ 33 ساڵ بوو.

هۆکاری باڵا کورتی و شێوازی جەستەی عەزیز بۆ نەخۆشی هۆرمۆنی دەگەڕایەوە و لە منداڵییدا کێشەی بۆ دروستکردووە کە بووەتە هۆی ئەوەی جەستەی لەوەی کەهەیە زیاتر گەشە نەکات و پزیشکەکان دەڵێین ئۆتیزمی بووە، عەزیز هیچکات باسی نەخۆشییەکەی نەکرد.

لە بەشکی ڤیدیۆکانیدا عەزیز بەردەوام لەگەڵ چەند ژنێک دەردەکەوێت، زۆرکەس پێیان وایە ئەوە هاوسەر یان هاوسەرەکانی عەزیزن، بەڵام خۆی ئەو بابەتە رەت دەکردەوە و دەیوت، تا ئێستا هاوسەرگیری نەکردووە و ئەو ژنانەش کەسانی مۆدێل و بەناوبانگی تۆڕە کۆمەڵایەتییەکانن لەڤیدیۆکانیدا دەبینرێن.

لەلایەکی دیکەوە باسلەوە دەکرێت عەزیز هاوسەرگیریی کردووە و منداڵێکی چەند مانگی هەیە و لە سعودیە ژیاوە.

عەزیز جگە لەو ژنانە زۆرجار لەگەڵ کوڕێک بە ناویی یازان ئەسمەر ئەکتەری بواری کۆمێدیا کە خەڵکی سعودیایە و یوتووبەرێکی بەناوبانگی جیهانییە دەردەکەوت، یازان لە خێزانێکی هونەرییە و تەمەنی 20 ساڵە و لە ریاز لەدایکبووە.

ئەو دووانە لەکاتی نواندن یەکییان ناسییوە، لە زۆر دراما و فیلمدا نواندنییان کردووە، وەکوو گەڕانەوە بۆ خوێندنگا، شێخ زۆمبی، ئاگاداری پێش دۆڕان بن و چەندین بەرهەمی دیکە.

ئەوان پێکەوە کاری کۆمێدییان دەکرد و خەڵکییان دەخستە پێکەنین و بەوە ناسرابون رۆحێکن لەناو دوو جەستەدا.

هەردووکیان لە سعودیا دەژییان و لەوێ کۆشکی تایبەت بۆ خۆیان هەبوو و زۆربەی ڤیدیۆکانیشییان هەر لەو شوێنە تۆمار کردووە.

عەزیز زۆری حەز لە پەیوەندی لە گەڵ خەڵک بوو و رۆژانە قسەی لەگەڵ لایەنگرانی دەکرد و زۆرترین وێنە و دەرکەوتنی لەگەڵییان هەیە.

دواجار رۆژی پێنجەشممە میدیا عەرەبییەکان هەواڵی مردنی عەزیزی سعودییان بڵاوکردەوە کە بەهۆی نەخۆشییەوە لە تەمەنی 27 ساڵی کۆچیدوایی کردووە.

 

ژ.م