مەودا میدیا-



دوای ئەوەی دادگای فیدراڵیی عیراق بڕیاری ناردنی پارەی بۆ هەرێم بە نایاسایی ناوبرد، لەکاردانەوەی ئەو بڕیارە محەمەدی حاجی مەحموود رایگەیاند، دادگایەکی عەرەبی کۆمەڵێک بڕیاری نابەجێی داوە، وەک ئەوەی دراوسێی کورد بێت، پێموایە ئەبێت کورد لە بەغداد بکشێتەوە و هیچ پەیوەندییەک لە نێوان کورد و بەغداد نەمێنێت.


لەدوایین هەڵوێستی خۆی محەمەدی حاجی مەحموود سکرتێری حزبی سۆسیالیست دیموکراتی کوردستان سەبارەت بە بڕیارەکەی دادگای فیدراڵیی بۆ به‌ نایاسایی ناساندنی بڕیاری ناردنی پارە بۆ هەرێمی کوردستان داوا لە کورد ئەکات  چیتر خۆیان و قەوارەی سیاسی هەرێم نەدەنە دەست قەدەر لەبەر ئەوەی دادگایەکی عەرەبی کۆمەڵێک بڕیاری نابەجێی داوە، وەک ئەوەی دراوسێی کورد بێت.

محەمەدی حاجی مەحموود دەشڵێت، ئەبێت کورد لە بەغدا بکشێتەوە و هیچ پەیوەندییەک لە نێوان کورد و بەغدا نەمێنێت.

لەلایەکی دیکەوە باسلەوە دەکات، ئەوەی عیراق ئەیکات دوژمنایەتی کوردە و پێویستە دادگای باڵای کوردستانیش بڕیارێکی یەکلاکەرەوە بدات کە ئەو دادگا عەرەبیەی لە بەغدایە، دادگایەکی فیدراڵیی نییە.


ژ.م