مەودا میدیا-

ئەندامێکی پەرلەمانی کوردستان ئاشکرایکرد پارێزگاکانی سلێمانی و هەڵەبجە و ئدارەکانی گەرمیان و راپەڕین هەموو مانگێک (120 ملیار) دینار داهاتیان هەیە، بەڵام مانگانە تەنها (سێ ملیار)ی بۆ کەرتی تەندروستی و دەرمان و پێداویستی نەخۆش و نەخۆشخانەکانی رەوا نابینن.

عومەر گوڵپی، ئەندامی پەرلەمانی کوردستان رایگەیاند "بەشی زۆری پێداویستی نەخۆشخانەکان لە بەشی هەرێمی کوردستان لە بەغداوە دێت، بەشێکی بچووکی لەسەر وەزارەتی تەندروستی و دارایی هەرێمە، نایانەوێت دابینی بکەن، بەجۆرێک لە ئێستادا زۆرینەی چالاکی نەخۆشخانەکان بۆ پێداویستی نەخۆش نزیکەی لە وەستان".

ئاماژەی بۆ ئەوەشکرد "پێویستە بەڕێوەبەری گشتیی بانک لە سلێمانی روونکردنەوە بدات، ئەو (120 ملیار) دینارەی داهاتی سلێمانی و هەڵەبجە و گەرمیان و ڕاپەرین چی لێدێت، لە کاتێکدا  دۆخی نەخۆشخانەکان و خراپی خزمەتگوزاریی هەرەشەیەکی جیدییە لەسەر هەمووان".

ب ح